Shillong Lber 26: Ki pulit jong ka jylla Meghalaya mynta ka sngi ha ka por 6 baje mynstep ki la kem ia ka kong Agens Kharshiing na iing jong ka ha ka por 6 baje mynstep halor ka jingujor jong u Deputy Secretary jong ka tand Secretarait Adminstration Department (SAD) E Lyngdoh .
Na ka liang jong ki pulit ki la ong ba katkum ka jingujor kaba la ai ha Sardar police station ka long ba ha kla 20 tarik mynta u bnai ka kong Agens ka la pyrshang ban rung jubor ha Main Secretariat kaba dei ka sngi bym shah ban rung ia ki riew paidbah.
La kynnoh ba ha kane ka sngi katei ka nongialam jong ki seng bhalang ka la kren tohmet ia ki pulkit kiba ap ha katei ka jaka. Na ka liang jong ki pulit ki la ong shuh shuh ba ki juhia treilang bad kane ka nongialam ban rat ia ki kam sniew pyrshah ia ka jingle beijot ia ki riew kynthei.
Hynrei ha kane ka kynti kaba mynta pat ka la shah kynnoh ba kala pynkhein ia ka ain, na ka liang jong ki pulit kaei kaba ki leh ka long katkum ka ain.
Ha kane ka juh ka sngi na ka liang jong ka iing bihsar Chief Judicial Magistrate (CJM) C Dkhar la pynlait ia kaneka nongialam sengbhalang da kaba bah jamin.
Na ka liang jong ka kong Agens hadien ba la ioh jamin haba kren ha ki nongthoh khubor ka ong ba kala ia ia kren dom bad ki pulit kiba don ha katei ka jaka namar kane ka dei ka jaka paidbah hynrei ban kynnoh ba ka leit ban rung beain ka long ka bymshong hok. Ka long ba kane ka jingle baroh ka dei na ka daw ba kibor ba don ha katei ka jaka kim kwah ia ki seng bhalang ban leit rung.
Ka la buh ka jingkylli lada ia ka la kem ba ka leit ban rung jubor ha katei ka jaka balei ym kem pat ia kito kiba shah kynnoh ha ki kam bamsap. Haka por mynsngi na ka liang jong ki seng bhlang ki la leit bania kynduh ia ka kong Roshan Warjri myntri kam poh iing ba kan leh ei ei ha kaba ia dei bad kane ka kam.(SP News)
