Shillong, Nailur 07: Ki pulit jong ka nongbah Shillong ki la kem ia shibun ngut ki dkhot jong ka seng KSU na kylleng ka nongbah Shillong halor ka jinglap jong ki pulit ba ki don kti ha ki kam beain.
Ki pulit ki la kem lai ngut na Mawlai Mawiong kiba la don kti ha kaba shah bad at ia u nongniah ia ka kali ba shong ki pulit bad kita ki long u Kitbok Lyngdkhoi na Mawlai Nongkwar, U Roland Wahlang na Mawlai Umshorshor bad u Kibok kharsyntiew na Mawlai Umjapung.
Ha kaba ia dei bad ka jingthang ia u skum kba ha pynthorbah kaba dei ka jong u G Rai na ka liang jong ki pulit ki la kem ia u Paul Miki Kahrkongor, Jerry Mawthoh, Tonbor Wankhar baroh kine kidei na Pynthorbah-3 bad laong ba ki dei ki dkhot jong ka seng KSU.
Ha kaba wei pat ka jingjia ki pulit ki la kem ia ar ngut ki dkhot jong ka KSU na kawei ka Auto Reshow bad na ki la ioh ban kurup ar tylli ki bilor Umphniang sharak kiba la dep thep ha ki bilor bad ki pulit kila kem ia kine ha kaba la tip kyrteng ia ki kum u Khraw Marwein bad u Khrawkupar Stembor baroh ar ngut ki dei na Mawlai.
Kine kiba la shah kem baroh ha ki pulit ki dei ki jingjia ha ka miet ba kut ka pakhang surok miet jong ki seng bhalang ha baroh kawei ka jylla. Na ka liang jong ki pulit ki la pa hara ban peit ba kan nym don kano kano ka jingjia kaba sngewsih.(SP News)
