Shillong, Nailar 12: Ki pulit jong ka jylla Meghalaya ha ka miet sngi u blei ki la kem ia san ngut ki briew kiba la leit rung jubor ha iing sah jong u myntri rangbah ka jylla u Dr Mukul Sangma ha Goodwood Bungalow.
Katkum ka khubor jong ki pulit ki iathuh ba kine ki san ngut kiba la leit rung jubor sha ka iing sah jong u myntri rangbah ka jylla da ka jingthmu kaba sinew. Kane ka la jia ha ka por 7.30 baje mynmiet sngi ublei.
Kine ki san ngut kiba la shah kem ki kyntup ia u Dr Alexander Lyngdoh 55 snem, u Joster Synsshiang 20, Phailang Mawrong 19, Rockeystar Marwein 22, bad u Pashal L Marshillong. Kine ki la rung ha iing sah jong u myntri rangbah da ka kali maruti car kaba don u number ML-05H-5698. Na ka liang jong ki pulit ki la kem ia ki baroh san ngut.(SP News)
