Shillong, Lber 30: Ki pulit jong ka Nongmynsong police out post kila kem ia u Deep Biswas halor ka jingshah kynnoh ba u la leh beijot ia ka khynnah kaba dang 6 snem ha Lumshyiap ha ka 28 tarik mynta u bnai.
Ha kawei pat ka jingjia u Bah Ratsingstar Ramsiej u la leit ban ai ia ka jingujor sha ki pulit jong ka Mawkyrwat ba ha ka 27 tarik mynta u bnai u wei u briew u bym lah ban ithuh u la leh beijot ia kawei ka khynnah kaba dang saw snem ha iew Mawkyrwat.
Na ka liang jong ki pulit ha dien ba ki la ioh ia kane ka jingujor kila register ia ka mukot duma bad ka jingthoh kit ka dang iaid ban lap ia u nongleh kam sniew.(SP News)
