Shillong, Risaw 15: Mynta ka sngi ha ka por kumba 7.20 baje mynmiet ki briew kiba la tap ia ka durkhmat jong ki ki la leit sha ka Petrol Pump kaba don ha Mawksing ha Mawsynram bad ki la sait pathar ia kane ka jaka bad ha kane ka jingjia u Sunjay Sharma u manager jong kane ka petrol pump u la mynsaw na ka kjat.
La ong ba ki la wan ar ngut ki briew kiba la tap khmat bad ki la rah ia kit air ialeh ki jong ki, u wei u rah da ka AK-47 bad u wei da ka pistol 9mm. Mar ia ioh ia kane ka jingtip na ka liang jong ki pulit ki la leit sha katei ka jaka bad ki la lap ia ki jingsop kuli AK-47 bad jong ka pistol 9mm.(SP News)
