Shillong, Lber 28: Ki pulit jong ka Jylla Meghalaya mynta ka sngi ki la lap ia ka kali kaba la kynnoh ba ka la jah ha ka 22 tarik mynta u bnai, na Riatsohshrieh kaba don harum Umnongrim ha lynti ban leit sha Mawsynram.
Ha kane ka jinglap jong ki pulit la shem ba u nongniah kane ka kali u la shah pyniap na ki dak mong kiba paw ha ka met jong u. katba ia ka pisa kaba la kit ha kane ka kali kaba la kot sha ka T.1.10 klur ka la jah na katei ka jaka.
Na ka liang jong ki pulit ki iathuh ba ha ka 22 tarik mynta u bnai u Deepyojyoti Paul u la leit ban ujor sha ki pulit jong ka Sardar Police Station ba ka kali jong u kaba don ia u number ML05 H 1058 kam shym la poi sha Borsora bad ha kane ka kali ka don ka pisa T.1.10 klur tyngka.
La iathuh ba ia kane ka kali la iohi khatduh ha ka shnong Lyniong naduh katei ka sngi kim shym la lap ia kaka la ong ha katei ka jingujor. Na ka liang jong ki pulit ki dang pynlong ia ka jingtohkit.(SP News)
