Shillong, Jylliew 26: Ki briew kiba ym lah ban tip ki la rah bor ia u J. Narayan Rai 60 snem ka rata katba u dang iaid ha ka kali ha pdeng ka Tilapara bad ka Bakeang kaba hap hapoh jong ka Mendipathar police Station.
U Rai u dei u ba peit ia ka jingtrei ia ka lynti rel u dei na Muzzafarpur District jong ka jylla Bihar. Na ka liang jong ki pulit mynta ki dang pynlong ia ka jingthwet ia ki nongrah bor. Kane ka jingthwet ban ioh ban pynlait ia u ba shah rah bor la leh lang hapdeng ki pulit jong jylla Meghalaya bad ka jylla Assa.
Ha kawei pat ka jingjia u wei u samla u ba la tip kyrtengkum u Teilang Iawphniaw ba shong bas ah ha Nongrah u la pyrshang ban pyniap ialade da kaba shu ot na ka ryndang. Ha kane ka jingjia u la mynsaw bad la rah ia u sha Civil Hospital ban shah sumar.Ki pulit ki dang tohkit ia kane ka jingjia.(SP News)
