Shillong, Jymmang 02: Katkum ka jingkheiñ kaba la lah ban ioh la ong ba ki tnum iing kiba la shah ktah ha ka jingkhi ka lyer iiong ha ka meit sngi saitjain ha poh jong ka Ranikor Block kaba hap hapoh jong ka South West Khasi Hills kala kot sha ka 375 tylli.
Na kine ki 375 tylli ki tnum iing kiba la shah pynjur , 90 tylli ki dei ki iing kiba la shah rat ploin baroh kawei ka iing ha kaba ki trai iing tang ia u khiew shet ja bad ki jaiñ phong ruh kim ioh shuh. Naka liang jong u MLA kane ka thaiñ u Martin M Danggo, u MDC u Bah Manstudy Nongrem kila hiar sha Ranikor ban kner ia ki jingiarap sha ki lano.
Na ka liang jong ka ophis jong ka Deputy Commissioner jong ka South West Khasi Hills ruh kila leit ban ai ia ki jingiarap katkum ki kyndon kiba la buh da ka sorkar. Kane ka jingshah lynshop ha ka mariang kala buh bun ia ki paidbah kane ka thaiñ kiba la long khlem iing khlem sem.
