Shillong, Rymphang 23: Ka Vanlalmuanpui bad ka Rutha Buansing kila leit ban ujor sha ki pulit ba kila shah shet ha ki briew kiba na bar jong ka Ri ha kaba jingkular jong ki ba kin phah ia ki jingai ba kor dor da kaba phah siew pisa ia ki.
Ka Vanlalmuanpui kala leit ban ujor sha ki pulit jong ka Shillong Sadar PS ha ka 14 tarik mynta u bnai ba u Lawrence Mark na UK, u la pyntip sha ka nongtrei jong ka, ka Rebecca Lalmunmawii lyngba ka Facebook ba la phah sha ka ia ki jingai sngewbha kiba kordor bad ka pisa bilat kaba shong dor 16,000 Pounds.
Haba ia dei bad kane la ioh ia ka phone ha ka juh ka sngi la phone da u Brenda Lalmalsawmie ban pyntip ba ka jingaisngewbha ka la poi ha Delhi bad ban ioh ia kane ka jingai sngewbha ka dei ban siew shilak tyngka. Ha dien ba la siew ia kane ka pisa ka tiar haduh mynta ym pat ioh.
Kane ka juh ka jingjia kala jia ruh ia ka Rutha Buansing, kane ka samla ka la leit ban ujor sha ki pulit jong ka Lumdiengjri police station bad ka la dei ban siew ia ka pisa haduh T.81,210 tyngka hynrei ia kane ka jingai sngewbha haduh mynta kam pat ioh na u John Moore promised u ba la kular ban phah ia kane ka jingai sngewbha.(SP News)
