Shillong, Nailur 23: Ki briew kiba ym lah ban tip mynta ka sngi ki la thang ia ki ar tylli ki ophis sorkar ha Nongstoin, kawei ka dei jong ka PWD bad ka wei ka dei jong ka KHADI, kine baroh ar tylli ki la julor jur bha ha ka jingklang jong ka ding.
Kane ka ophis jong ka PWD kaba la shah thang ka dei ka jong u Executive Engineer jong ka PWD Nongstoin bad ka jong ka KHADI ka dei jong ka Meghalaya Khadi bad Village Industries Board kaba don ha Pyndengrei Nongstoin ha West Khasi Hills.
Katkum ki khubor kiba la lah ban ioh ki iathuh ba ka jinglur jong kine ki iing sorkar ka la jur bha bad bun na ki file kiba don ha kine ki ar tylli ki ophis ki ieng ha ka jingklang jong ka ding. Ka ophis jong ka PWD ka la shah thang ha ka por 12.50 am bad ka ophis jong ka KHADI ka la shah thang ha ka por 1.15 am.
Na ka liang jong ki pulit ki la pynlong ia ka jingthoh kit ban long ia ki briew kiba leh ia kane ka kam runar. Ha ka juh ka por ki pulit ki peit na ki ar tylli ki bynta la ka dei na ka jingiakhih ne ioh don ba shim kabu ia kane ka jingiakhih.(SP News)
