Shillong, Jymmang 23: Mynta ka sngi ha ka por dang step pyrngap ki briew kiba ym lah ban tip ki la tuh ia kawei ka kali sorkar kaba la buh ha jaka sah jong ki nongtrei ha Raj Bhavan Shillong.
Kane ka kali sorkar kaba don ia u number ML01-5695 kaba dei ka kali bolero kaba la ai ha u Bah Mawkordor Phanbuh u ba dei u Additional Chief Engineer jong ka PWD ba deipeit ia ka West Garo Hills la ong ka khubor pulit.
Ha kawei pat ka jingjia ha ka miet 22 tarik mynta u bnai ar ngut ki briew kiba la thwet da ki pulit jong ka jylla kiba la tip kyrteng kum u Miden A Sangma bad u Kaleng B Sangma ki la leit ban pyndem ia lade ha khmat jong ki pulit jong ka West Garo Hills ha Titkrikilla police station.(SP News)
