Shillong, Lber 09: Wat la ka Congress ka la jop haduh 29 ngut ki MLA hynrei ka jingeh ka wan ban jied ia ki myntri ban don ha ka sorkar, ka jingialang ha Delhi bad k
i nongialam jong ka AICC ban shim i aka rai ka dang iaid sha khmat kat haduh ba thoh ia kane ka khubor.
Katkum ki lad jingtip kiba la ioh da u SP News Agency ki iathuh ba wat la u president jong ka MPCC u Bah DD Lapang u la ong ba ka shong ha U Chief Minister ban jied ia u myntri, hynrei la sngewthuh ba ka jingitynruh ka long kaba jur bha hapdeng ki para Congress.
Ki thymmei khubor ki iathuh b aka daw baroh ka long b aka Congress ha kine ki snem kaba ka ialam ia ki sorkar khleh khawlang ka la leh klet ia kawei ka polisi kaba ka juh but ka long ba ki briew ki ban don ha ka kynhun myntri ki dei ban long katkum ka jingjop bun sien ka jong ki hynrei la pynkhein ha kane ka sorkar kaba la leit noh.
Ha kajuh ka por la ong ba bun mynta ki MLA kiba jop kiba la dei ban ioh long myntri ki dei kiba la jop bun sien bad kine ki kwah ban iohi ba ki dei ban don ha ka sorkar. Kane ka la buh ia kinongialam jong ka AICC ban shwem jingeh ban rai.(SP News)
