Shillong, Lber 07: Ban jied ia u speaker jong ka iing dorbar thawain ka jylla kan long ha ka 11 tarik mynta u bnai, hynrei naka liang jong ka seng Congress wat la ka la jop bun eh ha kane ka election ka shem jingeh ban ioh ia u briew ban buh ha kane ka shuki.
Katkum ki khubor kiba la ioh da u SP News Agency la ong ba bun na ki MLA jong ka seng Congress kiba la jop bun sien kim kwah ban don ha katei ka shuki speaker namar ki kwah ban don ha ka shuki minister. Ha kajuh ka por la ong ba u myntri rangbah u kwah ban buh ia u briew u ba don ka jingiadei kaba jan.
Ki thymmei khubor ki iathuh ba na ka liang jong u myntri rangbah u kwah ba u myntri ba dei peit ia ka tnad lum khajana ha kane kaba la dep u AT Mandal yn leit ban shimti ia katei ka kam.(SP News)
