Jowai, Nailar 12: Ka Jaintia Hills Autonomous District Council (JHADC) ka poi ha ka jingeh kaba khraw ban pyntrei kam ia ka trading license hapoh u pud u sam ka jong ka namar ba ki iada ki trai dukan kiba bun dei ki malik dewiong.
U Bah Laitsing Shylla Executive Members u ba dei peit ia ka trading license haba kren ha u SP News Agency u la ong ba ka long kaba eh ia ka JHADC ban pyntrei kam ia ka Trading License namar, man ka por ba ki leit khynra ia ki dukan khamtam ha ki jaka kiba don u dewiong ki mih ki trai dukan ban ong ba kine ki dkhar ki dei tang ki nongtrei jong ki.
Haba ia dei bad ki karkhana dewbilat na ka liang jong u Bah Shylla u la ong ba kam don jingeh ei ei ruh em ia ka KHADC namar baroh ki karkhana ki la shim ia ka trading license bad ki siew thikna ruh ia ka professional tax kaba dei jong ki nongtrei.
Ban lap ia ki jingshisha la ki trai kiba kam ba ka dei ka dukan jong ki ne ki la aiwai sha ki bar jylla na ka liang jong ka JHADC ka khot ka wer ia ki rangbah shnong ki seng bhalang bad ia ki dorbar shnong ba kin ia treilang ban pynbor ia ki bar jylla kiba wan khaii ba ki dei ban shim ia ka trading license.(SP News)
