Shillong, Risaw 10: Ka NEDFi ka dei ka tnad bei pisa jong ka sorkar pdeng ban kyntiew ia ka dong shatei lam mih ngi jong ka Ri India ha ka liang ka iohi ka kot. Kane ka tand bei pisa jong ka sorkar pdeng kaba la buh kyrpang na ka bynta ki paidbah kane ka thain shatei lam mih ngi jong ka Ri India.
Ki lad khubor kiba ia jan bad kane ka tnad bei pisa jong ka sorkar pdeng la ong ba ka shem jingeh ban bei pisa ha kane ka jylla ha ki kam kiba heh na ka daw jong ka jinglong jingman jong ka rukom bat khyndew.
Kaei kaba ka NEDFi ka airam sha kane ka jylla dei tang ha ki kam kiba rit eh namar kam lah ban ai ram sha ki kam kiba heh na ka daw jong ka jinglong ka rukom bat khyndew. Ka jingairam ka long tang ban seng ia ki dukan, ki restaurant, ki skul bad kiwei kiwei ki kam kiba rit.
Ha ka juh ka por na ka liang jong u Branch Manager jong ka NEDFi jong ka shnat ha Shillong u la ong ba ka jingeh ka long ba ki briew kim siew ia kaei kaba ki la shim ia ka ram na kane ka Bank bad kane ka long palat eh na ki thian jong ka jaka them jong ka West Garo Hills.(SP News)
