Shillong, Jylliew 25: Ka company RNB Cements, mynta ka sngi ka la thung ia ki dieng kiba la shim na ka nuksa jong ka Akira Miyhawaki ka model kaba dei na ka Ri Japan, ia kane ka rukomthung dieng la thung mynta ka sngi ha Barapani Industrial Area, Umiam, in Ri Bhoi district.
Ia kine ki dieng la thung hapoh ka jingkdewlynti jong u Dr Shantanu Kumar Dutta, Environment Engineer,jong Central Pollution Control Board. Ha kane ka sngi la thung 375 tylli ki tynrai dieng kiba dei na kane ka jylla da kaba pyndon kam ia ka rukom thung na ka Akira Miyawaki .
Ia kane ka rukom thung dieng la la sdang da u professor Akira Miyawaki bad u Prof Emeritus ha Yokohama National University, Japan da kaba pyndon kam Potential Natural Vegetation (PNV),da kaba shim ia ki dieng na ki jaka kiba khlem da don ba pynthud ia ki, kane ka iarap ban pynkylla khlaw ia ki jaka ba la sah shrah.
Ia kane ka rukomthung dieng ha katei ka ri la ai ia ka jingiaroh da ki briew kiba don ha ki karkhana bad da ki seng trei mon sngewbha, ia kine ki dieng lah ban thung wat ha ki jaka don ki skul ruh kumjuh. Ka RNB Cements ka la shim ia kane ka rukom thung dieng da kaba sdang mynta ka sngi ha Umiam ka jaka ba don ka karkhana dewbilat kajong ki ha kaba Dr Shantanu Dutta kum u nongprad lynti u la ia don lang.
U RS Sharma, President, RNB Cements, u la shim ia kane ka jinglam khmat bad ha ka jingkren ka jong u la ong ba da kaba thung ia kine ki dieng kan iarap bsan pynkhuid ia ka mariang. Ha ka jingkren jong u RD Sing, Vice President, RNB Cements u la ong ba kane kan long ka jingkyrsiewthiah ia baroh ki karkhanan ha kane ka dong shatei lam mih ngi ban don ia ki khlaw.(SP News)
