Tura, Nohprah 30: Dang shen kumba 15 ngut ki briew kiba ieit ia ka jingsuk kiba la nang la stad kila pynlong ia ka jingialang ban ia kren ha kaba ia dei bad ka shong suk shongsain ha Garo namar ka la dang sa tang da ka jingiaumsnam suda. Ia kane ka kynhun la tip kum ka Achik Peace Volunteers Council (APVC).
Kane ka kynhun kan wad bniah ia ka daw balei kine ki seng lehnoh ki mih bad kiba la pynjynjar ia ki paidbah ha Garo Hills, kum ka seng lehnoh GNLA, ANVC (B), UALA, LAEF lem bad kiwei kiwei ki kynhun.
Kane ka APVC ka la shem bad ioh ia ka jingkhein ba ha u snem 2013 ki briew baroh kiba la shah pyniap ha kine ki lehnoh ki long haduh 38 ngut kiba la duh ei ia la ka jong ka jingim ka jong kin a kine 7 ngut ki dei ki pulit bad 21 ngut ki dei ki riew paidbah.
Na pdeng kiba la shah pyniap ha ki lehbnoh ki long u Assistant Pastor, ar ki Nokmas, ar ngut ki nongtrei sortkar, 14 ngut ki nongkhaii bad 5 ngut kiwei kiba la mynsaw bad kine ki lehnoh ki la klum pisa na ki briew kiba la trei shitom da la ka jong ka umsyep.
Ha dien ba kane ka kynhun kala jurip bniah ka lap ba kine ki lehnoh ia ki pynlong kam khaii da ka snam jong ki briew kiba luilui. Kane ka kynhun ka ong ba ia ki nongleh kam sniew dei ban pynshitom katkum ka ain.
Kane ka kynhun kan leit sha ki paidbah ban kren bad ban ong ba kane ka kam ia umsnam kam dei kaba bha dei ban wad ia ki lad ki lynti kumno ban wanrah ia ka jingsuk na ka bynta ka roi ka par jong ki paidbah . Na ka liang jong ka seng kan nym shong kli kti kaba ka jingsuk kam pat wan sha Garo Hills.(SP News)
