Shillong, Jymmang 26: U Lieutenant General RK Rana u la shah thung mynta ka sngi kum u Director General ba 28th jong ka kynhun shipai Assam Rifles.
U Lieutenant General RK Rana, u la rung ha ka kam shipai ha u bnai Jylliew jong u snem 1976 jong ka kynhun shipai Rajputana Rifles, ha kine ki 37 snem u la bat bun ki kam ha ki kyrdan bapher bapher, naduh ki kam ophis haduh ki kam iakhun pyrshah ia ki lehnoh.
U LG u dei u ba la pule hapoh Sainik School, Karnal bad hapoh ka Defence Institutions jong ka National Defence Academy Khadakvasla,bad Defence Services Staff College, ha Wellington.
U ne u heh shipai u la pyntbit kyrpang ia lade ha ki ba bun ki liang kam ia lehkai, kum haka kum ha ka Boxing, kynjatbol, jngi bad ban siat suloi. (SP News)
