Shillong, Naiwieng 08: Ka SP Rajkhowa Commission kaba shim ia ka jingthohkit ha kaba ia dei bad ka jinglaitphet jong u Fullmoon Dhar na phatok ha u snem 2009. Ha kane ka jingshong bishar mynta ka sngi ki ar ngut ki stad ba dei peit ia ki tiar siat na ka Assam Forensic Science Laboratory (FSL) ki la ai ia ka jinglap ka jong ki ha ka Commission ha kaba ia dei bad ki lai tylli ki kuli kiba la sei na ka met jong u Dhar.
Katkum ka jingiathuh jong ka Kong Agens Kharshiing, ka la ong ba kine ki ar ngut ki stad ba dei peit ia kane ka kam, U M Talukdar bad u M Sharma ki la ai jubab hapoh ka Commission ba na ki lai tylli ki kuli kaba ki la bishar bnaih ki lap ba u wei na ki u la sinew.
Haba ia dei pat bad ki pistol kiba la lap na ka jaka ba ia siat, ha ka jingekrey la ong ba ki dei ki pistol kiba la shu shna hi, katba ha ka jinglap jong kine ki ar ngut ki stad na Assam ki la ai jubab ha ka Commission ba ki deiki pistol kiba la shna ha USA.
Lah ban pynkynmaw hangne ba u Fullmoon Dhar u la phet na phatok ha Shillong ha u snem 2009 bad ha ka sngi kaba but la la lap ia u ha kaba la kynnoh ba ka don ka jingiasiat bad u Dhar u la iap ha shem katba ia kiwei pat la ioh ban kem.(SP News)
