Nongkrem, Naiwieng 03: Ka shad nongkren kaba juh long man u snem naduh ki por kiba mynba rim kala kut mynta ka sngi hapdeng ka jingiphuh iphing ha kaba da ki spah ngut ki rang bad ki thei samla ki la iamih madan ban ia shim bynta ha kane ka shad niam ia kaba la tip da baroh kum ka “ Shad Nongkrem”.
Ha kane ka sngi ki rang bad ki thei samla kiba ia shim bynta ha kane ka jingshad ki la pynphuh pynphing ia lade da ki riam ki khor kiba da ka ksiar, ka rupa bad ki jain dhara. Ha kane ka sngi da ki phew hajr ngut ki briew ki la iatuid na kylleng jong ka Ri Khasi ban leit ban sakhi lang ia kane ka shad nongkren kaba paw nam naduh ki por hyndai.
Na ka liang jong ka sorkar ruh ka da niew burom haduh kata kata ia kane ka sngi ha kaba ka la pynbna ia kane ka sngi kum ka shuti sorkar kane ka long ba ialad ia ki paidbah ba kin ia shim bynta ha kane ka jinglehniam leh rukom ha kaba la pyni ruh sha ka pyrthei ia ka jinglong tynrai jong u khun khasi khara.(SP News)
