Shillong, Jymmang 13: U Deputy Commsioner jong ka East Khasi Hills u la ong ba baroh ki jaka pule kiba kwah ban pynrung kyrteng ia ki samla pule na kane ka nongbah Shillong ha ki jaka pule ka jong ki ki hap ban da pan jingbit na ki bor ba dei peit ia ka District Adminstration.
Haba kren ha u SP News Agency u la ong ba bun na kine ki jaka pule kiba wan ban pynrung kyrteng ha kane ka nongbah Shillong kim shym la pyniasoh ia lade bad kano kano ka jaka pule kaba la ithuh da ka sorkar, kane ka buh ia ki kmie ki kpa ha ka jingeh kaba khraw haba ki leit phah ia ki khun jong ki.
Ban ia rap ia ki paidbah ban ioh ha ki jaka pule kiba la ithuh da kano kano ka sorkar ki bor ba dei peit ia ka District Adminstration ka kwah ba ki institution ki dei ban da pan jingbit bad kin sa bisahr bniah ia ki kot ki sla bad lada ki lap ba ki long kiba biang kim sa ai jingbit.
Kumba ka long mynta kane ka dei ka por ban pynrung ia ki samla pule ha ki jaka pule bapher bapher bad ha kum kane ka por ki college bapher bapher na ki jylla bapher bapher ki wan sha kane ka nongbah bah pynrung ia ki samla pule.
Ha ka juh ka por na ka liang jong u DC u kyntu ia ki kmie ki kap ba ki dei ban da husiar ban nym ngop ha ki college kiba khlem da ithuh da kano kano ka sorkar.(SP News)
