Tura, Kyllalyngkot 07: Mynta ka sngi ka seng lehnoh ANVC(B) kaba don mynta hapdeng ka jingsangeh ia siat bad ka sorkar ha dien ba ka la kloi ban don ha ka jingiakren ia suk, mynta ka sngi ka la siat ia ki pulit ha jan Tura ha kaba ar ngut ki la mynsaw.
Kine kiba mynsaw la tip kyrteng kum u Tarson Sangma inspector bad u pulit langrut u Banai, ia kine la rah sha Tura Civil Hospital ban phah sumar. Kane ka jingjia kala jia ha jan jong ka iing sah jong kine ki lehnoh ANVC(B) bad u nongialam jong ki u Rimpu Marak ruh u don lang ha kane ka por ba don kane ka jingjia.
Na ka liang jong ka seng ANVC(B) ka la juh kynnoh na ka por sha ka por ba ki bor pulit ki pyrshang ban pynjah klep ia ki dkhot jong ka seng bad ki la don kiba naduh ka por khrsitmas haduh mynta kim pat wan phai bad ka seng ka dang wad ia ki ruh kim lap shuh.
Kumba ka long mynta baroh ki dkhot jong ka seng ANVC(B) ki don baroh 120 ngut bad la bthah kyrpang ia baroh ki dkhot jong ka seng ba kin poi ha ka jaka sah ka jong ki mynta ka sngi kane ka long ka jingkhot kaba kyrkieh la ong ka kyrwoh kaba la pynlait da katei ka seng lehnoh.(SP News)
