Tura, Rymphang 10: Mynta ka sngi ki suba lehnoh na ka seng GNLA kila ap ktem ha lynti shuwa ban poi sha Banghmara ha South Garo Hills bad ki la siat u ka kali ba shong u Project Director jong ka DRDA ha ka jaka ba la tip kum ka Rongdotchi. Ha kane ka jingjia une u ophisar u la ioh ban phet khlem shah pynmynsaw.
U Deputy Commissioner jong ka South Garo Hills u Chinmay P Gotmare u la iathuh ba kane ka jingshah siat jong u ADM Ashish M Sangma ka la jia mynta ka sngi ha ka por 11.45 baje mynstep ha ka jaka ba la tip kum ka Rongdotchi katba ki dang wan phai na Tura.
Na ka liang jong ki pulit kila kynnoh ba kane ka dei ka kam jong ka kynhun lehnoh na ka seng GNLA, la ong ba la siat ia kane ka kali ba shong kitei ki heh sorkar lai sit bad ki kuli kila dei ia kane ka kali Bolero.
La ong ba ha katei ka por ar ngut ki lehnoh kiba la riam shipai bad tap ia ka khmat jong ki kila pynsangeh ia kane ka kali hynrei na ka liang jong u nongniah u la kyntait bad ha katei ka por kine ki lehnoh kila siat ia ki.(SP News)
