Shillong, Naiwieng 12: Ki shipai Border Security Force (BSF) mynta ka sngi ki la ioh ban kem bun ngut ki khar Bangladesh katba ki dang pyrshang ban rung sha India na ka thain Gangaria kaba hap ha East Jaintia Hills District.
Ha ba tohkit ia kine kiba shah kem na ka liang jong ki khar Bangladesh ki la iathuh ha ki BSF ba ki juh siew 1500 taka ha ka pisa jong ki bad u don u briew u ba ia lam ia ki ban rung sha India ia kaba ki la tip kum u Dalal, kane ka jingwan jong ki ka long ban leit ban trei sha ki jaka tih dewiong sha Jaintia Hills.
Na ka liang jong ki BSF na ka por sha ka por ki juh peitngor bha ia ka jingrung jingmih jong ki briew ha ki thain khappud bad ka India Bangladesh. Man ka por ba ki ioh ban kem na ka liang jong ki BSF ki juh aiti sha ki pulit ban leh ia ka bynta katkum ka ain.(SP News)
