Shillong, Nohprah 04: ka lyngpung ki hynriew shnong kaba kynthup ia ka Mawkhar, Wahingdoh, Umsohsun, Mission,Riatsamthiah bad Wahthapbru ki kyrpad ia ka Shillong Municipal ba kin khanglad iakane ka jingbret jaboh pathar ha Motphran.
Ha ka jingpynlait khubor jong u Bah Drowing Dkhar president jong kane ka lympung la ong ba kane ka jingbret pathar ia ki jaboh jabian ka long kaei kaei kaba isaitmet ban peit bad ka wanrah ia ka jingbymkhuid ka ban ktah ia koit ka khiah.
Kane ka jingbret pathar ia kine ki jaboh ka dei na ka daw jong ka jingbym biang ha ka rukom pyniaid ia ka kam da ki briew kiba don ha ka bor. Na ka liang jong kitei ki hynriew tylli ki shnong ki dawa ba dei ban pynsaneh shisyndon ia kane ka jingbret jakhlia.
Na ka liang jong u Bah John F Kharshiing u la ong ba ka don kam ia ka jingkhuid jingsuba bad kane ka don kam ia ka jingdon bynta jong ka sorkar ha kaba pynkhuid ia ka ha ka rukom kaba dei.(SP News)
