Shillong, Iaiong 10: U myntri khynnah ka sorkar pdeng u Jitender Singh u ba dei peit ia ki kam ia lehkai u la ong ba u da sngewkhia shibun ia ka jingslem ban pyndep ia ka jingtrei na ka bynta ki samla ia lehkai jong ka dong shatei la mih ngi jong ka Ri India kaba la sdang ban trei ha NEHU.
Une u myntri jong ka sorkar pdeng u la ong ha ka jingleit ia kynduh jong u Raninder Singh, president ba thymmai jong ka National Rifle Association of India, bad u Bah John F Kharshiing, Chairman, Grand Council of Chiefs of Meghalaya, President, Shooting Association ka Meghalaya, Vice-President, Meghalaya State Olympic Association, MSOA.
Na ka liang jong u myntri jong ka sorkar pdeng u la ong ba na ka liang jong u yn sa leh katba lah ban peit ba kane ka jaka ka dei ban dep noh kham kloi bad u la ong bay n da wan sha kane ka thain shatei lam mih ngi jong ka Ri India yn sa leit jngoh hi da lade ia katei ka jaka.
Kane ka jaka kaba la shna mynta ka long ban ai jinghikai tang ha ki hynriew tylli ki jaid jingialangkai bad kita ki long ka kynjat ball, siat khnam, ia kura, ia lympat, Judo bad Hokey. Ha kane ka jingiakynduh na ka liang jong u Bah John u la kyntu ia u myntri ba kin kynthup lang ia ka jinghikai siat pistol bad suloi ha kane ka jaka jong ka sorkar pdeng.(SP News)
