Shillong,Naiwieng 07: U la ka jylla Meghalaya U Ranjit Shekhar Mooshahary haba kren ha ka jingrakhe ia ka jingdap 62 snem jong ka kynhun Bahrat Scout and Guide u la ong ba “nga sngewsih ban iohi ba bun ki samla kim don ia ka mynsiem ban trei”.
Haba kren halor ka jingkiew ha ka ioh ka kot u la ong bakam don da kawei pat ka lynti ban kiew lait noh tang da ka jingtrei shitom. U la ia ka jingiaroh ia katei ka kynhun kaba la ai ka jinghikai ia ki briew jong kane ka jylla ha kiba bun ki liang.
Ka jinghikai kaba la ai da ka Meghalaya Bharar Scout and Guid ka la ai ka jingiarap shibun ia ki samla ban long ki nongshong shnong kiba bha. U la ong ba ha kane ka Ri India ki la don bun palat ki jingioh shuti bad kane kala ktah ia ka rukom trei jong ki briew.
Ha ka juh ka por ha kane ka sngi la pynkup buromia ki sawphew san ngut ki scout and guide na kane ka jylla Meghalaya ba la tip ia kane ka khusnam kum Rajya Puraskar Award. Kane ka khusnam ka dei na ka bynta ka jinglehbha jong kine ki samla ha kiba bun ki liang. Ka nonghikai,ka kong P Tariang bad ka kong S Diengdoh ruh kila ioh pdiang ia ka khusnam.(SP News)
