Nongstoin, Iaiong 11: Ka Uranium Corporation India Limited (UCIL) kan leit sha Wahkaji ha ka sngi Saitjain ban jurip ia ka surok kaba la bei pisa da kane ka Company ban pynpoi sha ka thain Mawthabah. Kane ka jingleit jurip ka long halor ka jingkynnoh jong ki trai shnong ba ka jingtrei jong ki kontraktor ki la trei tang dep.
U Bah H Sangriang haba kren ha u SP News Agency u la ong ba kum ki trai shnong jong ka thain Mawthabah ki kwah ba kane ka surok kaba la ai pisa da ka UCIL ka dei ban long kaba bha katkum kikyndon kiba la buh da ka CPWD.
Hynrei na ka liang jong ki trai shnong ki lap ba ki don ki kontrak tor kiba trei tang dep da kaba thep da ki maw ba jen. Na ka liang jong ki paidbah ka thain ki la byrngem ba la da ki kontrak tor kim but iaki kyndon kiba la buh da ka CPWD kin leit ban tih ia ka surok.
U Bah Sangriang u la ong ba ka jinglap ka jong ki ka long ba kito kiba trei sniew palat ia ka surok da kaba thep da ki maw ba jem ka dei na duh shong wahkaji haduh ka bynta ba ki khot ka Tihbah ia kane ka jingleh torti ki la dep ban ujor sha ka UCIL bad la pyntip sha ki ba ki heh na kane ka ophis kin leit ban jurip ha ka sngi saitjain.(SP News)
