Shillong, Jylliew 18: Tang ha dien shi kynta ba la wanrah ia ka Delimitation Bill hapoh ka iing dorbar Jong ka KHADC, ka kong Ampareen Lyngdoh myntri ba dei peit ia ka tand pynroi sor ka la phah da ka shithi sha u CEM jong ka KHADC u Bah PN Syiem ban pynpaw ia ka jingpyrshah jur ka jong ka.
Ia kane ka Bill ban phiah ia ki MDC constituency la wanrah mynta ka sngi hapoh ka iing dorbar da u CEm hapdeng kajingpyrshah ki para MDC, hynrei na ka liang jong u Chairman u la pdiang ia ka bad kin sa ia kren ha ka 20 tarik mynta u bnai ban pass ia ka.
Ka jingpyrshah ia kane ka Bill ka long mynta para Congress ka mytri pynroi sor ka dei na ka seng Congress ha kaba ia ka EC hapoh jong ka KHADC ruh la ia lam da ka seng Congress. Ka kong Ampareen ka la ong ba ia kane ka bill yn nym lah ban pdiang khlem da kynjoh ktien ia ki paidbah.
Naka liang jong ka Kong Ampareen ka la ong ba kumno kane ka lah ban long namar mynta ka dang don hapdeng ka jingpynkhreh ban shna ia ka territorial council. Ka la ong ba ki paidbah ki don ia ka hok ban shimia ka rai.
Kumba ka long mynta katkum kane ka Bill ka long ba ia ka 16-Nongthymmai ka 17-laitumkhrah-Malki constituency ka la shah ktah ha kane ka jingpynkylla ia ka constituency.(SP News)
