Jowai, Lber 08: Ka Dr J N Shullai Project Director of Mihmyntdu Community Social Welfare Association (MCSWA) haba kren ha ka jingialang kaba la long ha Jowai ban rakhe ia kane ka sngi burom jong ki kynthei ha shityllup ka pyrthei ka la ong ba ki don ki ain ban iada ia ki hynrei haba kim pyndon kam ia ki wat la ki don ruh.
Naka liang jong ka Dr Shullai ka la pynpaw ia ka jingsngewdiaw ka jong ka halor ka jingslem jongki mukotduma kiba don ha iing bihsar wat la ki la don kita ki Fast Track Court. Ka long ba bun na ki seng ki la iarap ia ki briew ban ioh ia i aka jingbishar hok nan ka bynta jong kito kiba shah ban bein.
Ia kane ka jingrakhe i aka sngi burom jong ki kynthei la pynlong da ka baling Uniterian, na ka liang jong ki nongkren ki la ong ban ia da ia ki kynthei ki baling ki dei ban wan sha khmat ban kren ia kane ka jingshisha.
Ha ka jingkren jong u Rev. H.H.Mohmen u la ong ba ki kynthei ki dei ban tip ia la ki jong ki hok ki jong ki. Ha kane ka sngi ki la don bun ki long kmie kiba la wan ban ia shim bynta ha kane ka jingrakhe ia kane ka sngi burom jong ki kynthei.
Ha kane ka nongbah Shillong ruh ki la don bun ki jingialang bapher bapher ban rakhe ia kane ka sngi burom ba kyrpang jong ki kynthei.(SP News)
