Shillong, Nailar 18: ka Public Work department (PWD) ia kaba la tip kum ka tnad shna surok jong ka jylla Meghalaya mynta ka la phah biang ia ka jingai jingmud sha ka tand Commerce bad Industry department ba ki kwah ban pynkiew shuh ia ka dor jong ka jinglut ha kaba shna ia ka surok Borsora.
Na ka liang jong u Director jong ka tnad Commerce bad Industry jong ka sorkar jylla u bah W Langstang u la ong ba na ka liang jong ki kid a kwah eh ban pynbha ia ki kad khaii bad ka Bangladesh bad khamtam eh ka Borsora kaba dei ka wei na ki jaka khaii bah eh tam ha ka jylla.
Haba shna pynbha ia kane ka surok na ka liang jong ka tand Commerce bad Industry ka la dep ai ia ka pisa sha ka PWD la slem ban trei ia kane ka kam bad ki la sdang ia ka jingtrei hynrei haduh mynta ym pat lah ban pyndep ia ka na Lai-lad sha Borsora.
Na ka liang jong u Director u la ong ba la dep ban pynkiew ia ka dor jong kane ka jingtrei mynta la ar sien bad ka PWD ka kwah ban pynkiew biang sa ha kane ka sien kaba lai bad kane ka la buh ia ka tnad sorkar ha ka jingeh kumno ban leh.
La ong ba ka jingshna ia kane ka surok la bei pisa da ka sorkar pdeng sha ka Commerce bad Industry Department jong ka sorkar bad ia kane ka pisa la aiti sha ka PWD ba kan shna ia kane ka surok bad ki heh sorkar na Delhi ki juh kylli ia kane ka surok namar ba ki la leit hi da lade sha kane ka jaka ban peit.(SP News)
I’m not that much of a internet reader to be honest but your blogs really nice, keep it up!
I’llgo ahead and bookmark your website to come back in the
future. Cheers