Shillong, Jylliew 27: Kia r tylli ki seng trei mon sngewbha na Jaintia Hills, ka Jaiñtia Youth Federation (JYF) bad Jaiñtia Student Union (JSU)), ki la phah da ka jingthoh sha u Chief Secretary jong ka jylla u Bah WMS Pariat ban dawa na u ba um dei ban pynlynriah ia u Bah PS Dkhar kum u Deputy Commissioner jong ka West Jaintia Hills District khlem da don kid aw kiba biang.
Ha ka shithi kaba ki la thoh sha u Chief secretary jong ka jylla ki long : Ngi sngewthuh ia ka jingtynruh jong ki briew kiba don ha ki seng sain pyrthei bad ki kynhun niam ban wengnoh ia u DC” la kdew kti kitei ki ar tylli ki seng.
Kumba ka long mynta u DC jong ka West Jaintia Hills ym pat lah ban pyndep ia ka jingtrei kam ka jong u wat tang shisnem ruh, kaei kaba jia ka long ba ia ka jingpynkynriah kam ia ki nongtrei sorkar ka long ha dien ka lai snem. Ka jingpynbor ban weng ia u DC ka dei tang na kito kiba don ka jingkhwan mynta shimet la kynnoh.
Na ka liang jong ka JSU bad ka JYF ki la ong ba ka daw baroh jong ka jingkwah ban weng noh ia u DC ka lah band ei na ka daw ba u la phah khang ia ka jingthoh mawshun na ki thain Amlarem, la ki la kdew kti ki tei ki seng.
Ka jingkyrpad na ka liang jong ka JYF bad ka JSU ia u Chief Secretary ka long ban ong ba kum u ophisar rangbah jong ka jylla u dei ban peit lem ia kane ka jingkyrpad ka jong ki ban pyneh pynsah shuwa ia u DC katba da dei ka por ia u ban weng na katei ka jaka.(SP News)
