Shillong, Lber 04: Ka jingpynsmai ia u myntri rangbah ka Jylla u Dr Mukul kan long la shai ka sngi ha ka por 11 baje mynstep ha iing jong u Lat ka Jylla. Katba ia kiwei pat ki myntri sorkar yn sa pynsmai ia ki ha dien ba ki la shim ia ka jingsmai kum ki MLA jong ka iing dorbar thawaiñ ka Jylla.
Katkum ki thymmei khubor kiba la ioh da u SP News Agency la iathuh ba ka jingpynsmai la shai ka sngi kan long tang ia u Chief Minister namar ba kiwei ki MLA kiba la jop ha ka election ki hap ban shim shuwa ia ka jingsmai kum u MLA jong ka iing dorbar thawaiñ ka Jylla.
Kumba ka long haduh mynta bun na ki MLA kim pat tip lano ka jingpynsmai ia ki kum ki nongmih khmat paidbah jong ka iing dorbar thawaiñ ka Jylla kan long, kaei kaba ki tip ba ka jingpynsmai ia u myntri rangbah marwei kan long la shai ka sngi.(SP News)
