Shillong, Jymmang 25: Ki pulit jong ka jylla Meghalaya ha dien ba ki la pynong ia ka jingtohkit kaba bniah ia ki hynniew ngut ki nongkhaii suloi tuh kiba la ioh ban kem ha kine ki sngi kiba la dep mynta ki la thad madan ia ka kyrteng jong ki.
Ki hynniew ngut kiba la shah kem ki kynthup ia u Bharati Basumatary, Swindwin Daimary baroh ar ngut ki dei na kajylla Assam katba Nisabath D. Sangma, Hindus G. Momin, Kostin A. Sangma, Panseng A. Sangma and Tingshu Ch. Momin ki dei na Garo Hills.
Ha pdeng ka jingtohkit jong ki pulit kine ki nongkhaii suloi tuh ki la phla ba ki la pyndon kam ia ka kali kaba don ia u number AS-19A-9080 ba dei na ka jylla Assam, nalor kane ka kali ki pulit ki la ioh ruh ban kurup ar tylli ki bike ia kaba la pyndon kam da kine ki nongkhaii suloi tuh.(SP News)
