Shillong, Lber 25: Ka jingiaknieh tiket ban long MP Rajya Sabha hapoh jong ka seng Congress ka la thnam bha ha kaba ki la don haduh phra ngut ki kyrtong kiba la ia tyrwa ia lade ban ia khun katei ka election shiteng samoi kaban long ha ka 18 tarik jong u bnai Iaiong.
Katkum ki lad pathai khubor kiba la ioh da u SP News Agency la sngewthuh ba nalor jong u Bah John F Kharshiing bad u Manas Choudhury, la mih ruh ka kyrteng jong ka kong Wansuk Syiem, Bah OL Nongtdu, bah BK Dey Sawian, bah Charles Pyngrope, Bah K K Dkhar bad u P Marak EM barom jong ka GHADC.
Napdeng kitei ki kyrtong baroh kiba kwah ban ioh long MP Rajya Sabha kaba dang sah mynta sa shi snem kiba kham paw dei u Bah John F Kahrshiing hynrei ka shong ha ka party ba kan shim ia ka rai ia ban pynieng ha kane ka kynti kaba mynta.(SP News)
