Shillong, Nailur 02: Shuwa ba kan poi ka kynta pakhang shnong kaba 12 kynta kaba la khot da ki seng bhalang, ka Ophis jong ka PWD ha Nongpoh bad jong ka Veterinary kaba don ha Umling ka la shah thang mynta ka sngi.
Ki riew sinew ki la eit ban thang kine ki ar tylli ki ophis ha ka por 2.10 baje mynstep. Da ka jingkloi lan jong ki pulit pynlip ding la lah ban pynlait ia kine ki ar tylli ki ophis na ka jinglur kaba sherkhei.
U Superintendent jong ki pulit ka Ri Bhoi District u CVS Ready haba kren ha u SP News Agency u la ong ba ka ophis jong ka tand ri mrad ka jngai kumba 100 meter na surok bah bad ka jingjulor kane ka iing ka dei ka jingtap jong ka tnum namar ka dei ka ki dieng.
Ka ophis jong ka PWD ha Nongpoh kam de pat julor than eh, ki jingduh ki long tang ki jingkhang iit , hynrei ha kane ka jingshah thang ki don ki kot ki sla kiba don kam kiba la rim ki la ieng noh na kane ka ophis ha kane ka jingshah thang.(SP News)
