Shillong, Jylliew 26: Kum ka dak jong ka jingpyrshah ia kaei kaba la jia ha Garo Hills ka seng Samla pule All Assam Minority Students Union (AAMSU) ka la thang ia ka tyngshop jong u myntri rangbah ka jylla Assam bad Meghalaya ha Bogaingoan ha lower Assam.
Ka jingthang ia ka tyngshop jong u Myntri rangbah ka jylla Assam u Tarun Gogoi bad jong u myntri rangbah ka jylla Meghalaya u Dr Mukul Sangma ka long ba ki pynpaw ia ka jingpyrshah ka jong ia kaei kaba la jia ia ki briew jong katei ka jylla ha Garo Hills.
Kane ka seng samla pulie AAMSU ka la khot ruh ia ka pakhang surok ha ka 28 tarik mynta u bnai ban nym shah iaid ia ki kali ha ki ar tylli ki National High Way kiba dei ban poi sha Garo Hills. Kawei ka dei ka NH-51 kaba leit sha Tura bad kawei ka NH-62 kaba leit sha Williamnagar.
Katkum ki khubor kiba la ioh da u SP News Agency ki iathuh ba mynta ka sngi na ka liang jongu myntri rangbah ka jylla Meghalaya u kren ia u myntri rangbah ka jylla Assam. Ha kane ka jingiakren la sngewthuh ba kin wad ki lad ki lynti kumno ban tem ia kane ka jingjia bad ban peit b ka shong suk shongsain ha ki khappud kan long kaba iaid beit.(SP News)
