Guwahati, Nailar 12: Ka seng samla pule ka All Assam Students Union (AASU) mynta ka sngi ka la thang paidbah ia ka dulir iateh kular hapdeng ka India bad ka Ri Bangladesh ban ia bujli ia ki jaka hapdeng kine ki ar tylli ki Ri.
Ia kane ka jingiateh kular la soi da u myntri rangbah duh jong ka Ri India u Dr Manmohan Singh ha u Nailur jong u snem 2012 ha ka por ba u leit ban jngoh ia Kathie ka Ri.
Ki seng bhalang bapher bapher ki pyrshah ia kane ka dulir kaba la ia soi da u myntri rangbah duh jong ka Ri la ong u Tapan Gogoi General secratary jong ka seng AASU. Na ka liang jong ka seng kan iai bteng ia kane ka jingiakhih ban ban nym ailad ban aiti ia ki jaka jong ka jylla Assam sha ka Bangladesh kiba don haduh 111 tylli ki shnong.
Na kane ka jingiasoi ia ka dulir ka India kan ai sha ka Bangladesh 111 tylli ki shnong kiba dei tang na ka jylla Assam bad na ka Bangladesh pat kan ioh tang 51 tylli kane ka jingiateh kular kin nym lah ban pdiang.
Ia kane ka bill la dep ban pynkhreh bad la wanrah mynta ka sngi ha poh Rajya Sabha, lada kane ka Bill ka la kylla long ain kitei ki jaka kin leit sha ka Bangladesh. Ka sorkar ka la pyrshang ban wanrah ia kane ka Bill ha ka sien shong dorbar kaba la dep hynrei u MP jong ka AGP u Biren Baishya bad Kumar Deepak Das la knieh bad tar ia kane ka Bill hapoh iing dorbar.(SP News)
