Tura Jylliew 05: Mynta ka sngi ha ka por 7.45 baje mynstep ka bus jong ka Meghalaya Transport Corporation (MTC) kaba mih na Tura ban wan sha Shillong ka la shah thang ha ki suba lehnoh jong ka kynhun Garo National Liberation army (GNLA). Kane ka jingshah thang ka la jia ha Nengsa Wakse jan Bajengdoba jong ka West Garo Hills District.
Katkum ki jingtip kiba la ioh da u SP News Agency ki iathuh ba haba ka Bus ka la poiha katei ka jaka ki la don saw san ngut ki briew kiba la don ha surok ki la pynsangeh ia ka kali bad sdang ban siat sha suin ban pynsyier ia ki nongshong kali. Ki la hukum ba ki dei ban mih sha bar bad ha dien kata ki la wiangding ia ka Bus.
Katum ki khubor kiba la lah ban ioh la don ka jingsuba kaba jur na ka liang jong ki bor pulit ba ia ka jingsait kuli sha suin naki ktang suloi AK.47 la leh da ki ba dei ki Lehnoh hynrei ia ka jingthang ia ka kali pat la leh da ki nongkyrshah jong ka GNLA, la suba jur ki pulit.
Na ka liang jong ki pulit mar ia ioh ia kane ka jingtip ki la leit bran bran sha katei ka jaka ban thwet ia ki nongleh kam sniew.(SP News)
