Shillong, Nohprah 17: Ka seng BJP ka la thaw ia ka Mandal hapoh jong ka Unroi constituency bad la jied ia u Bah Sen Thabah kum u president jong kane ka Mandal, u Bah Steborsing Kharsati kum u Vice president, la jied ruh ia shibun kiwei ki nongkit kam jong ka seng.
Na ka liang jong ka seng ka la shim ia ka rai ban trei shitom na ka bynta ban pynkhlain ia ka seng ha kane ka jaka bad ban pynsgewthuh sha ki paidbah ba dei tang ka seng BJP kaba lah ban ai ia ka jingshakri kaba biang na ka bynta ka Ri bad ka jylla.
Na ka liang jong ka BJP kan pynkhlain ruh ia ka seng sha kiwei ki bynta jong ka jylla bad ban thaw ia ki mandal ha baroh ki constituency na ka bynta ban pynkhreh ia ka election MP ka ban sa wan ha u snem ban wan.(SP News)
