Shillong,Lber 25: Ki sengbhalang ka Thain Mawsynram kiba kynthup ia ka FKJGP Mawsynram bad Sawsymper, Lawbah, ka KSU Lawbah unit ,ka SKHYDO, HNYF Mawsynram bad ka KYWO, da ka wei ka jingmut ki la thaw ia ka joint action Committee na ka bynta ban iakren ban ia tuklar ha kaba iadei bad ka jingpynroi.
La pyniaid beit iaid ryntih ia ka kam la jied ia ki nong kit kam kumne bah Banshai Marbaniang kum u Chairman, bah James kharbani kum u vice Chairman, bah Rangsang Sohmat kum u secretary, bah Evan Marwein Asst Secretary bad u Infortmation Sect la jied ia u bah Rody Shangpliang.
Ia ka kam Chief organizer Sect la pynkup ha u bah pynsuk Myrthong. Ki jaka kiba ka JAC kan trei kam kan kynthup naduh Lyngiong ,tyrsad, Mawsynram, Lawbah ter ter shaduh Balad.
Ka kam kaba hakhmat eh kaba ka JAC kan leh mynta ka long ban iakren ia ka jignbym lah jong ka sorkar ban pynbha ia ka surok Mawphlang Balad Road. Na ka liang jong ka seng kam banse ban ieng ban iada ia ka hok jong u paidbah.(SP News)
