Shillong, Kyllalyngkot 27: Ka kong Wansuk Syiem kaba dei ka MP jong ka Rajya Sabha na kane ka jylla Meghalaya mynta ka sngi kala thep kyrteng biang ban ia khun ia kane ka kam MP bad kumba ka long mynta ka don ka jingkyrmen ba kan jop biang sa shisien ha kane ka election.
Ia ka kong Wansuk la synranlang da u president ka MPCC u Bah DD Lapang, ka Debor C Marak bad u ka secretary AICC ba dei peit ia ka jylla Meghalaya ka Vijaylakshni Sadho lem bad katto katne ngut ki nongtrei ka seng Congress.
Ka kong wansuk ka la thep ia ka nomination jong ka ha khmat jong ka Secretary jong ka Meghalaya Legislative Assembly secretary kong H Mylliemngap ha dien ba ka sentg congress ka la jied ia ka ba kan long ka kyrtong.
Ka kong Syiem ka la long ka kynthei kaba nyngkong na kane ka jylla Meghalaya ba kan long ka MP sha ka Rajya Sabha ha u bnai Iaiong jong u snem 2013 ha dien ba u T A Sangma u la hair shuki noh ban ia khun ia ka election MLA ha ka jylla.
Kumba ka long mynta na ka liang pyrshah kam shym pat lah rai ia no ban pyniakhun ia kane ka election, hynrei kumba ka long na ka jingdon jong ki MLA hapoh ka iing dorbar ka kyrtong jong ka seng Congress kan jop da kaba suk.(SP News)
