Shillong, Jylliew 25: Ka Agatha Sangma MP jong ka Tura ka la phah sa ka shithi sha u myntri rangbah duh jong ka Ri bad sha u myntri kam poh iing ban pyntip ia kaei kaba la jia ha Garo Hills. Ha ka juh ka por ka la kyrpand ba ka sorkar pdeng ka dei ban shim khia ia kane ka jingjia namar kamdei tang ha Garo Hills hynrei ka dei lang ruh sha Assam.
Na ka liang jong ka Agatha ka la ia kren bad ki Deputy Commissioner jong baroh ki District ha GaroHills bad kum juh ia ka sorkar Assam bad ia ki deputy commissioner jong ka Goalpara bad Dhubri District b kin long kiba peitngor ha ki khappud bad kan nym mih kano kano ka jingjia ba sngewsih.
Na ka liang jong ka MP na Tura ka la kyntu ruh ia ka sorkar pdeng ba kan phah shuh shuh iaki para military sha Garo Hills bad sha Assam ba kin pahara ha khappud ka jylla Meghalaya bad Assam na ka bynta ban tem lada ka mih kano kano ka jingjia ba sngewsih.
Ha ka juh ka por la shai ka sngi kan leit sha Tura ban peit ba ka jingshong suk shong sain kan wan ha ki Lum Garo, ia ka yn synran lang da u kpa jong ka u P A Sangma u speaker jong ka Lok Sabha ba mynshuwa jong ka Ri India.
Ha ka juh ka por ka la bthah ia ki bor ba dei peit ia ki District Administration ka ki marbam mardih sha GaroHills ki dei ban poi khnang ba ki paidbah kin nym ia kynduh ia kano kano ka jingeh.(SP News)
