Shillong Nohprah 06: ka tnad ba deipeit ia ka Commerce bad Industry ka da kwah eh ban shna pynbha ia ka kad khaii ha Borsora hynrei ka jingeh kaba ki ia kynduh long ba kim ioh ia ka jaka. La ong ba ka pisa ka la don ban pynbha ia kane ka jaka khaii pateng hynrei na ka daw ba ym ioh jaka ka pisa la shu buh.
Ki heh jong kane ka tnad sorkar ki iathuh ba man ka por ba ka don ka jingialang hapdeng ka sorkar Meghalaya bad ki heh jong ka sorkar pdeng ki juh kylli man ka por ia kane ka jaka namar kane ka jaka ka wanrah ia ka pisa ia pein bad ki bar ri da ki bun spah klur tyngka sha ka ri India.
Na ka liang jong ka department ka kwah ba ki paidbah kin wan sha khmat ban ai ia ka jaka jong ki na ka bynta ban pynbha ia katei ka jaka. Na ka liang jong ka department kam lah leh ei ei namar ba kam don ia ka jaka. La iathuh ba wat haba shna ia kane ka surok kaba na Lailad sha Borsora ruh ka don ka jingthud.
La iathuh ba ha Garo Hills ka ne ka tnad sorkar kala shna ia ki ar tylli ki kad khaii kawei ha Gashwapara bad kawei ha Dalu ka jingtrei mynta ka la iaid sha khmat. Ia ki jaka ha kine ki ar tylli ki kad khaii la ai sngewbha da ki briew jong katei ka jaka.
Na ka liang jong ka sorkar pdeng ka ai ia ka pisa tang na ka bynta ban tei ia ki iing ki sem ban pybha ia ki surok bad ki jaka ban buh ia ki mar ki matta hynrei kam ai pisa pat ban thied haka. Ka jingud ka jingnam jong ki briew ha kaba ia dei bad ka Borsora ka la poi sha ki tyndong skhor jong ka sorkar hynrei kim lah ban leh ei ei namar kam don ka jaka.(SP News)
