Shillong, Jylliew 29: Ki riew ieit jingrwai jong ka nongbah Shillong ki la ia ap shitom ban ioh ban sngap ia ka kynhun nongrwai na USA ia kaba la tip kum ka Hoobastank concert kaba la wan ban rwai ha Madan Polo ha ka sngi saitjain.
Kaba la pynsngewsih ia ki nongleit sha kane ka concert ka long ba ka la don ka jingthud ha ki tyndong jngpynsawa ha kaba ki riew ieit jingrwai kila bitar bad kawang bilor ha ka ryngsan ba don ki jingrwai.
Kane jingjia ka la pynlong ia ki pulit SOT ba kim banse ban tur sha khmat ban ai ia ka jingpahara ban peit ba kan nym mih kano kano ka jingjia ba sngewsih. Na ka liang jong ki riew ieit jingrwai kila kynnoh ba ki nongpyniaid ki bymler.
Ha dien ba la pynbha ia ki tyngdong sur jingsawa na ka liang jong u vocalist Doug Robb ula pynpaw ia ka jingsngewnguh ka jong u ia ki paidbah wat hapdeng ka jingthud jong ki tyngdong jingpynsaw hynrei ki la ia ap shitom ban sangap ia ki jingrwai jong ki.
Na ka liang jong u Doug Robb u la ong ba kum kine ki jingthud ki dei ki bym lah lait, hapdeng ki jingthud ki nongrwai ki la lah ban pyndep ia ka jingrwai jong ki katkum a la pynbeit.(SP News)
