Shillong Naitung 02: Kum ka jingiai bteng halor ka thong ban shim khia ha ka ban sumar bad pynneh pynsan ia ka Mei Mariang (ki khlaw ki btap, ki lum ki wah bad ki jingthaw hapoh jong ka) kumba ju leh ha u bnai JylIiew – Naitung man la u snem ka “Synjuk ki Seng Samla Shnong (SSSS)” mynta u snem ruh ka la thung dieng biang ha West Khasi Hills District ha ka jingdon ryngkat jong u General Secretary ka Central Body (SSSS) Bah Vanshan ‘Buhphang bad ki dkhot jong ka Central Body Bah A.S. Iawphniaw Bah R. Syiem bad Bah E. Marbhniang da kaba ia treilang bad ka Social Forestry Department ha ka 29th
Tarik u Jylliew 2013 la thung dieng ha ka shnong Mawthungkpeh ryngkat ka jingiadonlang u Sirdar bad u Rangbah Shnong bad I Nongkitkam ka seng samla shnong.
Ha kajuh hi ka sngi la thung ruh ha ka shnong Nongkhlaw ha ka jingiadon ryngkat u Rangbah Shnong bad ki Nongkitkam jong ka Seng Samla Shnong Nongkhlaw.
Ia kane ka sien jan kaba myntri la leh ia kane da kaba sam ia ki shynrai dieng shakito ki longing kiba don jaka ban thung bad ban thung ha ki jaka paidbah kiba lah ban sumar bha khnang ba ki tynrai dieng kin nym long lehnohei. Ia kane ka pynshong nongrim katkum ka jingshem ba ka jing shut hang pathar khlem da lah ban sumar ne buddien ban peit ba kin heh kin san kan shu long lehnohei. Kumta ka Synjuk ka aiti ha ki Seng Samla jong kine ki shnong ba kin peitngor bad sumar ia ki tynrai dieng ba la thung. (SP News)
