Shillong, Jylliew 27: U Director General ba dei peit iaki phatok ha ka jylla u Kulbir Kishan u la aiti ia kane ka kam ha u Prem Singh kum u DG ba thymmai lyngba jong u AIG MK Sangma u ban peit shipor haduh ba u Singh yn wan a ka shuti jong u.
Haba kren ha u SP News Agency u Mr Kishan u la ong ba u la ioh pdiang ia ka jingpynbna sorkar ha kapor khyndai baje mynmeit ha iing jong u bad mynta ka sngi ha ka por 11 baje mynstep u la aiti noh ia kane ka kam ha u Singh lyngba jong u Sangma u ban peit shipor ia kane ka kam haduh ban da wanshuti u DG.
U Kishan u la ong ba u la bat ia kane ka kam mynta la saw snem shibnai bad u la dep thoh sha ka sorkar ha u bnai Iaiong mynta u snem ba hynrei ka sorkar ka la shu sngap bad dei haduh ka miet 26 tarik ba la pynlait ia u na kane ka kam.(SP News)
