Shillong Lber 20: Ka Executive committee jong u Bah Pynshngian N Syiem hapoh jong ka Khasi Hills Autonomous District Council ka la thuang ia ka Sub-Committee ban bishnar bniah ia ki bynta ba ka sorkar pdeng ka kwah ban pynkylla ia ka Sixth Schedule jong ka Constitution jong ka Ri India.
Ia kane ka Sub-Committee la khlieh DA U Bah PN Syiem kum Chairman u ba dei ruh u CEM jong ka KHADC, u Bah L Blah kum u Vice Chairman, kiwei ki dkhot ki long u Bah AK Nongkynrieh, Bah John F Kharshiing, Syiem N Syieming bad bah H J Skhemlon.
Lah ban pynkynmaw ba ha ka sorkar jong ka BJP ka la wan kane ka juh ka jingtyrwa hynrei ha dien ba la khyllem noh ka sorkar BJP ha Delhi ka la sah teng bad mynta ka la wan biang kane ka jingtyrwa.
Haba u SP News Agency u la iakren ia bun ki riew rangbah ha kaba ia dei bad kane ka jingkwah ban pynkylla ia ka Sixth Schedule ki la pynpaw ba ka KHADC ka la dei basn thung ia ki briew kiba dei na ka liang jong ki muktiar kiba dei thik tang ia ka constitution namar kane ka ktah ia ka constitution.(SP News)
