Shillong, Nailur 24: Ka pakhang ophis kaba ar sngi kiba la khot sa ka seng HNAM ban dawa na ka sorkar ba dei ban weng noh ia u Deputy Commissioner jong ka West Khasi Hills ka la iaid beit khlem da don kano kano ka jingjia kaba sngewsih ha kine ki ar sngi.
Na ka liang jong ka seng HANM ka la kam ba ka long kaba jopha kaba ki nongtrei sorkar kim shym la ialeh pyrshah. La jan baroh ki ophis sorkar ha West Khasi Hills District mynta ka sngi ki la thylli lut laitnoh tang ka ophis jong u Deputy Commissioner.
U Vice President jong ka seng u Bah Wills Sohshang haba kren ha ki lad pathai khubor u la ong ba lada ka sorkar kam weng ia u Deputy Commissioner kumba la dawa da ka seng na ka liang jong ka HANM kam dang pynjur shuh shuh ia ki jingiakhih ha katei ka District.
Na ka liang jong ka seng ka ai khublei ia ki paidbah kiba la ai ka jingkyrshah ia kane ka jingiakhih jong ka seng. Ha ka juh ka por na ka liang jong ka seng ka pyrem jur ia ki paulit kiba thwet ia ki nongialam jong ka seng. Ka HANM ka ong ba ka sorkar ka dei ban weng noh ia u DC jong ka West Khasi Hills District.(SP News)
