Shillong, Iaiong 09: Ki pulit jong ka jylla Meghalaya mynta ka sngi ki la kem ia u u Bah Banpyrkhat Langstieh u wei na ki nongialam jong ka seng HNLC u ba la bat ia ka kyrdan Lieutenant ha katei ka seng u la wan ban pyndem ia lade ha khmat jong u heh pulit jong ka East Khasi Hills na ka daw ba u la ia don bynta ha kaba siat ia ka Lumdingjri Police Station.
La iathuh ba ha dien ba la rah ia u sha iing bihsar na ka liang jong ka iing bisahr ka la ai por ia ki pulit lai sngi ban tohkit ia u ha ka kti jong ki ia kaba la tip kum ka police custody.
U Bah Banpyrkhat u la pyniasoh ia lade bad ka seng HNLC ha u snem 2001, na ka liang jong ki pulit mynta ki dang pynlong ka jingtohkit ia u ban kylli byrthew la u la don bynta ei ei ne em ha ki kam runar ha kine ki snem kiba u la don ha katei ka seng.(SP News)
